miércoles, 23 de diciembre de 2009

Goyosa Nabidad a toz

"Toz la claman buena noche,
dirálo la colazión
y lo tizón de Nadal
que ye nombrado tizón"

7 comentarios:

Alberto dijo...

Goyoso Nadal ta tu tamién!

(He de charrar con tu)

Alberto dijo...
Este comentario ha sido eliminado por el autor.
Alberto dijo...

Por zierto, isto d'a tranca de Nadal ye una tradizión aragonesa, manimenos no pas d'aqui, ¿no? Por lo menos dengún no remera cosa asinas, ni bi ha garra cosa que diga que sí.
¿En sabes garra?

Sagardiana dijo...

Ya imos pasau a primer costera...Nabidá. En poco tenemos o Cabo d'Año, unatro costerón. Os ninos chicorróns encara biben istas fiestas, como ninos. Nusotros, ya como grans.
Mi mai m'en dizió l'atro día, cuan le demané por ixo d'a "Tronca", que en Rasal, o día 24 meteban en o fuego lo "Tizón", que yera a toza más grán que en eban guardau ta iste día. Que ardía todo lo día y toda la nuei, y que con o calibo que en quedaba n'o fogar, lo maitin d'o día 25, prendían lo fuego de Nabidá. Que no pas itaban bin, que si alcaso lo bin que cayeba t'o Tizón yera ixe que se'n escorreba de cuan feban lo "poncho"...Puede estar que bella bez en tiempos d'antismás s'en diziese ixo de "buen Tizón, buen porrón, protege a l'amo de ista casa..." pero que ella no sen recordaba d'ixa dizenda.
Goyosas Fiestas, Aragonia

Aragonía dijo...

Muito interesant ixo d'o tizón de Nadal.
En has iu a misa d'o gallo con Mosén Benito?
Goyosas fiestas ta tu Sagardiana

Aragonía dijo...

Ixo d' tronca se fa encara en bels lugars de as tres probincias pero creigo que en nuestra comarca no se remena ista tradizión. Una pena.

Sagardiana dijo...

Anda, que conoces al mosen d'ixos trozos? Y a Bal d'a Garona, tambien?
Y ya puestos...tambien conoces Rasal?
No soy estata en Misa de Gallo, soy no creyente (d'ixas que cudian de que no dentre a bruxa, bestida de michino negro, n'as cuadras. Ixe michinaz que ba fendo esferras por o ganau, n'a nuei d'o 24 d'abiento, mientres que a chen canta n'a ilesia...)
"Que aberne, en hay" como izen por as Galizias. Y por si alcaso... antis de respirar aire zarrau con ulor a inzienso y mirra, m'en quedo al raso, ulorando a boira preta.
Salú, amigo Aragonia.